Бензодиазепинга асосланган тинчлантирувчи препаратлар стрессга қарши курашиш, шу жумладан ҳомиладор беморларга буюрилади. 2004-2018 йилларда Тайван миллий университетида хитойлик шифокорлар томонидан ўтказилган тадқиқотга кўра, ушбу модда плацента орқали ҳомилага кириб, боланинг ривожланиши бузилишига сабаб бўлиши мумкин. Тадқиқот натижалари JAMA Psychiatry илмий журналида чоп этилди.

Хусусан, бундай дори-дармонларни қабул қилиш ҳомила тушиш хавфини 69% га оширади. “Шу билан бирга, ушбу дориларнинг баъзи машҳур шаклларидан, жумладан Флудиазепамдан фойдаланиш бу хавфни 2,52 баробар оширади”, дейилади мақолада. Бундан ташқари, юқори дозаларда хавф янада ортади.

Тадқиқот давомидатуғиш ёшидаги 1,9 миллион аёлда 3,05 миллион ҳомиладорлик жараёни ўрганиб чиқилган. Уларнинг 4,4 фоизи (136 134 нафар она) ҳомиладор бўлган. Шифокорлар, ҳомиладор аёлларга тинчлантирувчи препаратларни тайинлаш бўйича жорий тавсияларни кўриб чиқиш зарурлигини таъкидлайди.