Войти
Закрыть

Нидерландияда коронавируснинг ҳайвондан одамга ўтиши қайд қилинди

So'ngi yangiliklar

Нидерландияда норка – қоракузандан одамга коронавирус ўтиши ҳолати қайд қилинди. Коронавирусга қоракузанлар кўпайтирилувчи ферма ишчиси чалинган.

 

Бу ҳақда мамлакат қишлоқ хўжалиги вазири Карола Схаутеннинг парламентга мактубига таяниб Reuters ахборот агентлиги хабар берди. 

Мактубда касалланган ишчининг ҳолати маълум қилинмаган. 

Схаутен мактубда вазирликнинг коронавирус ҳайвонлардан одамларга ўтмаслиги ҳақидаги аввалги хабари хато бўлганини тан олган. Шу билан бирга у коронавируснинг ҳайвонлардан одамларга ўтиши хавфи минимал деб баҳоланишини қўшимча қилган.

Таъкидланишича, апрелда Нидерландиянинг Шимолий Брабант провинциясидаги қоракузан кўпайтирилувчи иккита фермадаги қоракузанларда коронавирус аниқланган. Ҳайвонларда коронавирус аломатлари, жумладан нафас олиш билан муаммолар ва юқори ўлим даражаси кузатилган.

 

Ўшанда ҳукумат ферма ишчиларида коронавирус аломатлари кузатилгани сабабли вирус қоракузанларга одамлардан юққан бўлиши мумкинлигини маълум қилган. Инфекциянинг тарқалишига йўл қўймаслик учун қоракузанлар ва чиқиндиларни фермадан ташқарига олиб чиқиш тақиқланган, фермалар жойлашган ҳудудларга кириш ёпилган. Бундан ташқари, шифокорлар қоракузанлар кўпайтирилувчи жойлар яқинида сайр қилмасликни тавсия қилишган.

So'ngi yangiliklar


Shavkat Mirziyoyev "Koronavirus pandemiyasi davrida tadbirkorlik subyektlari va aholini qo‘llab-quvvatlash bo‘yicha navbatdagi chora-tadbirlar to‘g‘risida”gi farmonni imzoladi.

Foto: Prezident matbuot xizmati

Hujjatga ko‘ra, 2020-yil 1-iyundan 1-sentabrga qadar kichik tadbirkorlik subyektlari, bozorlar va savdo majmualari, kinoteatrlar, umumiy ovqatlanish joylari, jamoat transportlari tashkilotlari, sport-sog‘lomlashtirish muassasalari, shuningdek, yo‘lovchilarni tashish, maishiy xizmat ko‘rsatish, yopiq joylarni ijaraga berish, shu jumladan, banketlar tashkil etish bilan shug‘ullanadigan yuridik shaxslar mol-mulk va yer solig‘i to‘lashdan ozod etiladi.

Kichik biznes subyektlariga:

  • 2020-yil 9-martdagi va 2020-yil 3-apreldagi Prezident farmonlariga muvofiq, aprel-may oylari uchun taqdim etilgan mol-mulk va yer solig‘ining foizsiz kechiktirish (bo‘lib-bo‘lib to‘lash) summalaridan;
  • 2020-yil 1-yanvardan boshlab 2020-yil 15-maygacha bo‘lgan muddatda yer va mol-mulk solig‘i bo‘yicha hisoblangan penya va jarimalardan voz kechiladi.

Tadbirkorlarga tovarlarni (ishlarni, xizmatlarni) olib kirishda (import) qo‘shilgan qiymat solig‘ini to‘lashni 120 kungacha kechiktirish huquqi beriladi.

2020-yil 1-maydan 1-iyulgacha mikrofirmalar va kichik korxonalar uchun ijtimoiy soliq stavkasi 12 foizdan 1 foizgacha pasaytiriladi.

Ustav fondida (ustav kapitalida) davlat ulushi 50 foiz va undan ortiq bo‘lgan davlat korxonalari va yuridik shaxslar bundan mustasno.

Farmonda 2020-yil 15-may holatiga ko‘ra soliq qarzlari va soliq to‘g‘risidagi qonun hujjatlarini buzganlik uchun penya va hisoblangan jarimalar bo‘yicha qarzdorliklarini undirish 2020-yil 1-sentabrgacha to‘xtatilishi, Davlat soliq xizmati organlari 2020-yil 15-may holati bo‘yicha ularning bank hisobvaraqlaridan pul mablag‘larini o‘tkazish va yechib olish bo‘yicha inkasso topshiriqnomalarini qaytarib olishi hamda soliq to‘lovchilar 15-may holatiga ko‘ra bajarilmagan soliq majburiyatlarini bajarish bo‘yicha to‘lov topshiriqnomalarini qaytarib olish huquqiga egaligi belgilab qo‘yilgan.

1-iyundan boshlab qo‘shimcha ravishda 14 yoshgacha farzandi bo‘lgan, 2 yoshgacha bola parvarishi uchun va moddiy yordam oluvchi oilalarga ajratiladigan ijtimoiy yordam pullari oluvchilar 10 foizga oshiriladi.

Foto: Moliya vazirligi

0

So'ngi yangiliklar

O‘zbekistonda 20-may soat 10:00 holatiga ko‘ra koronavirusga chalinganlar soni 25 kishiga ko‘payib, 2880 nafarga yetdi, deya xabar bermoqda Sog‘liqni saqlash vazirligi.

Aniqlangan yangi kasallanish holatlarining beshtasi oldindan karantinda bo‘lgan fuqarolarda, 20 tasi xorijdan kelgan shaxslar orasidan qayd etilgan.

Xorijdan kelgan 20 bemorning besh nafari charter reys bilan Sankt-Peterburgdan, 10 nafari Qozog‘istondan kelgan va karantin markaziga joylashtirilgan, uch nafari xalqaro yuk tashuvchi avtomashina haydovchisi, shuningdek, 2 nafari qozog‘istonlik xalqaro yuk tashuvchi avtomashina haydovchisi.

Hozirgacha O‘zbekistonda 2338 nafar koronavirusga chalingan fuqarolar butunlay sog‘aygan. Ayni vaqtda mamlakat bo‘yicha 529 nafar bemor kasallikdan davolanmoqda, ulardan 6 nafarining ahvoli og‘ir.

Ma’lumot o‘rnida, mamlakatda koronavirus infeksiyasini yuqtirib olish bilan bog‘liq ilk holat aniqlanganidan beri 13 nafar bemor kasallik asoratlari oqibatida vafot etdi. Ma'lumot daryo.uz saytidan olindi.

 

0

So'ngi yangiliklar

Айни пайтга қадар мамлакат бўйлаб коронавирус инфекциясидан бутунлай соғайганлар сони 2168 нафарга етди.

Самарқанд вилоятида 10 нафар коронавирус инфекциясига чалинган бемор соғайиб, реабилитацияга кузатилди. Бу ҳақда Соғлиқни сақлаш вазирлиги Жамоатчилик билан алоқалар бўлими хабар қилмоқда.

Тузалганларнинг барчаси Самарқанд вилоятидан (5 нафари Оқдарё туманидан, 3 нафари Самарқанд шаҳридан, 2 нафари Тойлоқ туманидан) бўлиб, коронавирус инфекциясига чалинганлар билан мулоқотда бўлиб, касалликни юқтириб олган. Уларнинг 5 нафари эркак, 5 нафари аёл бўлиб, ёши каттаси 33 ёшда, ёши кичиги эса 2019 йилда туғилган.

Вилоятда шу пайтга қадар 144 нафар бемор бутунлай соғайган бўлса, эндиликда 154 нафар фуқаро касалликдан бутунлай фориғ бўлди.

0

Қорақалпоғистонда Соғлиқни сақлаш вазири ўзгарди

So'ngi yangiliklar

Отажон Ҳамроев Қорақалпоғистон Республикасининг Соғлиқни сақлаш вазири этиб тайинланди. У ҳозирга қадар Жўқорғи кенгес раисининг ўринбосари сифатида фаолияти юритиб келаётган эди.

Қорақалпоғистон Соғлиқни сақлаш вазири Дониёр Ҳожиев лавозимини тарк этди.

Қорақалпоғистон Республикаси Жўқорғи Кенгеси Президиумининг 14 май кунги қарори билан Ҳамроев Отажон Каримович Соғлиқни сақлаш вазири этиб тайинланди.

Отажон Ҳамроев ҳозирга қадар Жўқорғи кенгес раисининг ўринбосари сифатида фаолияти юритиб келаётган эди.

Қорақалпоғистон Вазирлар кенгаши ахборот хизмати маълумотига кўра, Отажон Ҳамроев 1965 йилда Элликқалъа туманида туғилган, Андижон давлат тиббиёт институтини тамомлаган.

Мутахассислиги бўйича шифокор-терапевт бўлган Хамраев, тиббиёт фанлари доктори ҳисобаланади.

So'ngi yangiliklar

Соғлиқни сақлаш вазирлиги Ўзбекистонда яна 16 кишида коронавирус инфекциясидан зарарланиш ҳолати қайд этилгани ҳақида хабар берди.

«2020 йил 14 май соат 15:00 ҳолатига кўра, Ўзбекистонда коронавирус инфекцияси қайд этилганлар сони 2636 нафарни ташкил қилмоқда.», дейилади вазирлик хабарида.

16 нафар янги касалланиш ҳолатининг 6 нафари хориждан келиб, карантинга олинган, қолган 10 нафари ҳам олдиндан карантин муассасаларида кузатувда бўлган фуқаролар орасидан аниқланди. Хориждан келиб, касалланиш қайд этилган фуқароларнинг 5 нафари халқаро юк ташувчи автомашина ҳайдовчиси бўлса, 1 нафари эса Қозоғистондан келган. 

Бугун ҳозирча 36та янги зарарланиш ҳолати қайд этилди ва 60 нафар бемор тузалди.

Айни пайтда Ўзбекистонда 2136 нафар фуқаро коронавирус инфекциясидан бутунлай соғайиб, даволаниш кўрсаткичи 81 фоизни ташкил қилмоқда.

Шифохоналарда 489 нафар бемор касалликдан даволанмоқда, улардан 11 нафари оғир аҳволда.

 

0

---

Президент Шавкат Мирзиеёв 13 май кунги видеоселектор йиғилишида эпидемиологик вазият туфайли чекловлар босқичма-босқич юмшатиб борилаётганига қарамай, ҳамон карантин тартиби амалда эканини таъкидлади.

 

Соғлиқни сақлаш вазирлиги Ўзбекистонда яна 16 кишида коронавирус инфекциясидан зарарланиш ҳолати қайд этилгани ҳақида хабар берди.

«2020 йил 14 май соат 15:00 ҳолатига кўра, Ўзбекистонда коронавирус инфекцияси қайд этилганлар сони 2636 нафарни ташкил қилмоқда.», дейилади вазирлик хабарида.

16 нафар янги касалланиш ҳолатининг 6 нафари хориждан келиб, карантинга олинган, қолган 10 нафари ҳам олдиндан карантин муассасаларида кузатувда бўлган фуқаролар орасидан аниқланди. Хориждан келиб, касалланиш қайд этилган фуқароларнинг 5 нафари халқаро юк ташувчи автомашина ҳайдовчиси бўлса, 1 нафари эса Қозоғистондан келган. 

Бугун ҳозирча 36та янги зарарланиш ҳолати қайд этилди ва 60 нафар бемор тузалди.

Айни пайтда Ўзбекистонда 2136 нафар фуқаро коронавирус инфекциясидан бутунлай соғайиб, даволаниш кўрсаткичи 81 фоизни ташкил қилмоқда.

Шифохоналарда 489 нафар бемор касалликдан даволанмоқда, улардан 11 нафари оғир аҳволда.


0

So'ngi yangiliklar

Farg‘ona viloyatida koronavirusga chalingan so‘nggi bemor 14-may kuni sog‘ayib, reabilitatsiyaga kuzatildi. Bu haqda Sog‘liqni saqlash vazirligi xabar bermoqda.

Farg‘onada tuzalgan so‘nggi bemor — 40 yoshli erkak — Oltiariq tumanidan bo‘lib, kasallikni koronivirusga chalingan fuqarolar bilan muloqotda yuqtirib olgan edi.

"Shunday qilib, viloyatdagi shifokorlar sa’y-harakati tufayli koronavirus infeksiyasiga chalingan 157 nafar bemorning barchasi butunlay sog‘aydi”, — deya xabar bermoqda SSV.

O‘zbekistonda 14-may soat 12:00 holatiga ko‘ra koronavirus infeksiyasidan butunlay sog‘ayganlar soni 2077 nafarni tashkil etmoqda. 14-may soat 10:00 holatiga ko‘ra kasallanganlar soni 2620 kishiga yetgan, 11 nafar bemor vafot etgan.

Ma’lumot uchun, avvalroq Jizzax, Qashqadaryo va Navoiy viloyatlari ham koronavirusdan xoli hududlarga aylangan edi, biroq keyinroq Navoiy viloyatida olti kishida kasallik aniqlandi.


0

So'ngi yangiliklar

O‘zbekistonda 14-may soat 10:00 holatiga ko‘ra koronavirus infeksiyasini yuqtirib olganlar soni 8 kishiga oshib, 2620 nafarni tashkil etmoqda. Bu haqda Sog‘liqni saqlash vazirligi xabar berdi.

Ma’lum qilishlaricha, 8 ta yangi kasallanish holatining 4 tasi xorijdan kelib, karantinga olingan, qolgan 4 tasi ham oldindan karantin muassasalarida kuzatuvda bo‘lgan fuqarolar orasidan aniqlangan.

Xorijdan kelib, kasallanish qayd etilgan fuqarolarning 3 nafari xalqaro yuk tashuvchi avtomashina haydovchisi bo‘lsa, bir nafari Qozog‘istondan kelgan.

Hozirda davolanishni davom ettirayotgan jami 533 nafar bemorning 11 nafari og‘ir ahvolda. "Shifokorlarimiz tomonidan barcha bemorlarga belgilangan standartlar bo‘yicha davo choralari ko‘rilmoqda”, — deyiladi SSV axborotida.

Avvalroq, 13-may soat 23:00 holatiga ko‘ra jami kasallanish holatlari soni 2612 taga yetgani, o‘sha vaqtda davolanishda bo‘lgan 525 bemordan 12 nafarining ahvoli og‘irligi ma’lum qilingan edi.

Ma’lumot uchun, 13-may holatiga ko‘ra O‘zbekistonda koronavirus infeksiyasidan sog‘ayganlar soni 2076 nafarga yetgan, infeksiya asoratlari oqibatida 11 kishi vafot etgan.


0
В будущее В прошлое

Навигация